Sport24.az
"Qarabağ"ın Avropa Liqasını qazanmaq şansı açıqlanıb. Sport24.az xəbər verir ki, Opta superkompüteri ağdamlıların qalib olmasını 0,2 faizlə qiymətləndirib.
Təmsilçimizin qrupda ilk rəqibi "Tottenhem" də "üçlük"də yer ala bilməyib. Bu pillələrdə "böyük beşlik" ölkələrindən yalnız bir ispan klubu yer alıb.
Ən yüksək şans Portuqaliya "Portu"sundadır (17,8%). İspaniyanın Bilbao "Atletiko"su ikincidir (10,9%). İlk "üçlüy"ü isə Praqa "Slaviya"sı qapayır (9,6%).
"Qarabağ"ın rəqiblərindən ən iddialısı "Tottenhem" siyahıda 4-cü pillədə qərarlaşıb (8,6%). Digər ingilis klubu "Mançester Yunayted" 6-cıdır (7,1%). "Qırmızı şeytanlar"ın önündə və gerisində İtaliya təmsilçiləri qarşılaşıblar. "Roma" (8,2%) 5-ci, "Latsio" (6,1%) 7-cidir. İlk "onluq"da, həmçinin Türkiyədən "Qalatasaray" (5,2%), İspaniyadan "Real Sosyedad" və Almaniyadan "Ayntraxt" (hər ikisi 3,6%) yer alıblar.
Siyahıda 25-ci olan "Qarabağ"ın qrupunda yer alan digər rəqiblərdən "Lion" 14-cü (1,4%), "Olimpiakos" 17-ci (1,2%), "Bodo Qlimt" 22-cidir (0,6%). "Ayaks" 26-cı (0,2%), "Malmö" 29-cu (0,2%) olaraq, ağdamlılardan aşağı sıradadırlar. FCSB və "Elfsborq" isə heç bir şansı görünməyən 4 komanda sırasındadırlar.
