Idman.biz
Opta superkompüteri Ağdam "Qarabağ"ının Çempionlar Liqasının pley-off mərhələsinə yüksəlmə ehtimalını ciddi şəkildə artırıb.
İdman.biz "OptaAnalyst"in məlumatına görə, "Qarabağ"ın qrup mərhələsinin ilk 24-lüyünə düşərək 1/16 finala vəsiqə qazanmaq ehtimalı 67,6% təşkil edir.
Bununla yanaşı, komandanın 1/8 finala qədər irəliləmə şansı 7,4% hesablanıb. Analitiklərin proqnozuna əsasən, Ağdam təmsilçisi 11 xal toplayacaq, pley-offa düşməmə ehtimalı isə 24,9%-dir.
Müqayisə üçün qeyd edək ki, turnirin startından əvvəl Qurban Qurbanovun komandasının pley-offa çıxmaq ehtimalı cəmi 3% idi.
Qeyd edək ki, qrup mərhələsinin əvvəlində "Qarabağ" səfərdə Lissabon "Benfika"sını 3:2 hesabı ilə məğlub edib, daha sonra evdə Danimarkanın "Kopenhagen" klubuna 2:0 hesabı ilə qalib gəlib. Aktivində 6 xal olan Ağdam klubu hazırda turnir cədvəlində 6-cı pillədə qərarlaşıb.
