Report.az
"Arsenal"ın UEFA Çempionlar Liqasının qalibi olacağı gözlənilir. Onun turniri qazanmaq şansı 28,4 faizdən ibarətdir.
"Report" xəbər verir ki, bu qənaətə "Opta" təhlil şirkətinin superkompüteri gəlib.
"Arsenal" indi kubok qaldırmaq üçün favorit hesab olunur, yarışı qazanmaq şansı 28,4 % təşkil edir. Mikel Artetanın komandası indi simulyasiyaların yarısından çoxunda (54,2 %) finala çıxır", – deyə şirkət yenilənmiş proqnozlarını şərh edib.
Analitiklər "İnter"in də şansını yüksək qiymətləndiriblər:
"Bavariya" üzərində 2:1 hesablı qələbəsi sayəsində "İnter" üçüncü favorit mövqeyinə yüksəlib və 21,1% şansa malikdir, "Barselona" isə 22,4 % ilə ikinci yerdədir".
"Topçular"ın darmadağın etdiyi "Real Madrid"in Avropanın ali klub turnirini qazanma şansı cəmi 1,1 faizdir. Təhlilçilər xatırladıblar ki, "kral klubu" heç vaxt 3:0 hesablı ilk oyun məğlubiyyətindən sonra geridönüş edə bilməyib.
Qeyd edək ki, model hər matçın nəticəsinin (qələbə, heç-heçə və ya məğlubiyyət) ehtimalını mərc bazarının əmsallarından və "Opta Power Rankings"dən istifadə edərək hesablayır. Əmsallar və reytinqlər komandaların tarixi və son dövrlərdəki çıxışlarına əsaslanır. Hər komanda üçün yekun proqnoz əldə etmək məqsədilə yarışın bütövlükdə 10 000 dəfə simulyasiyası aparılır.
