Sport24.az
"Zaqrebdəki oyunda şanslar bərbər idi. Həmin matçda "Qarabağ"ın qol vurmaq üçün yaxşı şansları olsa da, onlar bundan istifadə edə bilmədi. Əvəzində "Dinamo" əlinə düşən fürsətlərdən maksimum yararlandı. Səmimi deyim ki, Ağdam təmsilçisi qələbəyə daha çox layiq idi. Amma futbolun qəddarlığı da var. Belə ki, sən əlinə düşən şanslardan istifadə edə bilməyəndə cəzalanırsan". Bu sözləri Sport24.az-a açıqlamasında "Sumqayıt"ın serbiyalı oyunçusu Nikola Vujnoviç deyib.
"Kimyaçılar"ın legioneri Qurban Qurbanovun komandasının mərhələ keçəcəyinə inanmadığını da söyləyib: "Əminəm ki, doğma publika qarşısında "Qarabağ" qalib gəlmək üçün meydana çıxacaq və bunun üçün əlindən gələn hər şeyi edəcək. Amma xorvatlar geridönüşə imkan verməyəcək. Odur ki, qalib gəlsə belə, "Qarabağ"ın Çempionlar Liqasının qrupuna yüksəlməsi qeyri-mümkündü".
Qeyd edək ki, bu gün "Tofiq Bəhramov"da keçiriləcək "Qarabağ" – "Dinamo" matçının start fiti saat 20:45-də səslənəcək.
ABDULLA İSMAYILOĞLU
