Sport24.az
"Hazırlığımız yaxşı gedir. Gərgin məşqlər keçərək mövsümə hazır olmağa çalışırıq". Bu sözləri Sport24.az-a açıqlamasında "Sumqayıt"ın üzvü Roy Kehat deyib.
"Kimyaçılar"ın legioneri komandaya yeni qoşulan futbolçularla da bağlı fikirlərini bölüşüb: "Düşərgəyə yeni qoşulan oyunçular kollektivə uyğunlaşmağa çalışırlar. Təbii ki, onların tam adaptasiya olunması üçün müəyyən zamana ehtiyac var. Biz bu işdə onlara yardımçı olmağa çalışırıq".
32 yaşlı yarımmüdafiəçi sumqayıtlıların Konfrans Liqasının II mərhələsində qarşılaşacağı "Fehervar"la oyun haqda da danışıb: "Macarıstan klubu ilə oyunlara yüksək əhval-ruhiyyədə hazırlaşırıq. Növbəti mərhələyə yüksəlmək üçün əlimizdən gələni edəcəyik".
Qeyd edək ki, "Sumqayıt"la "Feharvar" arasında baş tutacaq ilk görüş iyulun 25-də Sumqayıtda, cavab qarşılaşması isə iyulun 31-də Macarıstanda kçiriləcək.
ABDULLA İSMAYILOĞLU
