Report.az
Təəssüf ki məğlub olduq.
"Report" xəbər verir ki, bunu "Sumqayıt"ın baş məşqçisi Vaqif Cavadov Misli Premyer Liqasının XXII turunda səfərdə "Şamaxı"ya qarşı matçdan sonra açıqlamasında deyib.
Mütəxəssis əldə etdikləri üstünlükdən lazımınca yararlana bilmədiklərini vurğulayıb:
"Təəssüf ki məğlub olduq. Futbol elə bir oyundur ki əlinə düşən şansları dəyərləndirməlisən. İlk hissədə böyük üstünlük bizdə olsa da bundan lazımınca istifadə edə bilmədik. Oyunumuzdan göründüyü kimi, komandada hər şey qaydasındadır. "Şamaxı"nı qələbə münasibəti ilə təbrik edirəm. Qarşıda çox oyunlarımız var. Ümid edirəm ki növbəti oyunlarda hər şey yaxşı olacaq".
Qeyd edək ki, Şamaxı şəhər stadionunda baş tutan görüş meydan sahiblərinin 1:0 hesablı üstünlüyü ilə yekunlaşıb.
