Sport24.az
Misli Premyer Liqasının XXV turunda bu gün keçiriləcək "Sumqayıt" - "Qarabağ" oyunu yubileylə əlamətdar olacaq. Sport24.az xəbər verir ki, qarşılaşma tərəflərin Azərbaycan çempionatları tarixində 50-ci dueli kimi tarixə düşəcək.
Əvvəlki 49 matçın 37-də Ağdam klubu, 7-də "gənclik şəhəri" təmsilçisi meydanı 3 xalla tərk edib. Beş görüşdə isə heç-heçə qeydə alınıb. Topların nisbətində də hazırkı qonaqların aşkar üstünlüyü var - 122:23.
Komandalar arasındakı ilk oyun 2011-ci il sentyabrın 11-də baş tutub. Həmin vaxt "Sumqayıt Şəhər" - "Qarabağ" matçı qolsuz yekunlaşıb.
Qeyd edək ki, bu gün təşkil ediləcək görüş saat 19:30-da start götürəcək.
