Idman.biz
Mövsümlərarası fasilədə heyətində əsaslı dəyişiklər olan "Sumqayıt" transfer çalışmalarını davam etdirir.
İdman.biz Sport24.az-a istinadən xəbər verir ki, "gənclik şəhəri"nin təmsilçisi hələ heç kimlə rəsmi müqavilə bağlamasa da, ortaq məxrəcə gəldiyi futbolçular var.
"Kimyaçılar"ın bu yay rənglərinə qatmaq istədiyi legionerlərdən biri də Yasur Yaxşiboyevdir. 28 yaşlı özbəkistanlı futbolçu həm hücumda, həm də sağ cinahda oynayır. Karyerası ərzində "Ordabası" (Qazaxıstan), "Legiya" (Polşa), "Şerif" (Moldova), "Şaxtyor" (Soliqorsk, Belarus) kimi klubların formasını geyinən forvardın son klubu İranın ikinci liqasında çıxış edən Mazandaran "Nassaj"ı olub.
Qeyd edək ki, ölkəsinin əsas komandasında 10 oyuna çıxıb və 2 dəfə fərqlənən forvard "Şerif"in heyətində Çempionlar Liqasının 2021/22 mövsümündə "Real"ın qapısına qol vurmaqla yadda qalıb.
İdman.biz
