Sport24.az
"Sumqayıt" baş məşqçisi Vaqif Cavadovla yollarını ayırdı. Sport24.az xəbər verir ki, klub rəhbərliyi ilə çalışdırıcı arasında bu gün baş tutan iclasdan sonra belə qərar verilib.
Onun müqaviləsinə qarşılıqlı şəkildə xitam verilib. Cavadov bundan sonra klubun aşağı yaş qruplarından ibarət komandalarından birində məşqçi kimi fəaliyyətini davam etdirəcək.
Qeyd edək ki, Vaqif Cavadovla ötən il 2,5 illik müqavilə imzalanmışdı.
"Sumqayıt" son olaraq Misli Premyer Liqasının XXXIV turunda "Kəpəz"ə 0:1 hesabı ilə məğlub olub. Komanda hazırda turnir cədvəlində 30 xalla doqquzuncu sırada yer alıb.
