Sport24.az
Növbəti mövsümün hazırlığına start verən "Sumqayıt"ın toplanışın ilk mərhələsinə doğma şəhərdə keçirir. Sport24.az-ın əldə etdiyi məlumata görə, "kimyaçılar" ikinci mərhələ üçün isə ölkə xaricinə yollanmağı planlaşdırır.
Kluba yaxın mənbədən redaksiyamıza daxil olan bilgiyə əsasən, şəhərin eyniadlı təmsilçisi əvvəlcə Sloveniyaya getməyi düşünsə də, maliyyə cəhətdən bu variant sərfəli olmadığından "kimyaçılar"ın planı dəyişib. Ölkəmizi Konfrans Liqasında təmsil edəcək kollektiv Türkiyəyə səfər etməyə qərar verib.
Sumqayıtlılar 4-18 iyul aralığında toplanış keçməyi planlaşdırır. Məkan olaraq isə Bolu və Qızılcahamam arasında seçim ediləcək.
