Sport24.az
Mövsümlərarası fasilədə əksər futbolçuları ilə vidalaşan "Sumqayıt" heyəti gücləndirmək yönündə çalışmalarını davam etdirir. Sport24.az-ın əldə etdiyi məlumata görə, "kimyaçılar"ın rəhbərliyi heyətə yeni legionerlər cəlb etməyi planlaşdırır.
Kluba yaxın mənbədən redaksiyamıza ötürülən bilgiyə əsasən "gənclik şəhəri"nin təmsilçisi sabiq legionerini geri qaytarmağı düşünür. Söhbət 2022-2023-cü illər aralığında komandanın formasını geyinmiş Todor Todorskidən gedir. Şimali Makedoniya millisinin 26 yaşlı sabiq üzvü hazırda azad agent statusu daşıyır.
Qeyd edək ki, yarımmüdafiəçi karyerası ərzində "Sumqayıt"la yanaşı, Şimali Makedoniyanın "Vardar", Xorvatiyanın "Osiyek", "Sibernik" və Serbiyanın "Radniçki" klubunda çıxış edib. Onun son iş yeri Ruminiya Superliqasında mübarizə aparan "ASM Politexnika Yassı" olub.
