Yeni mövsümə hazırlaşan "Sumqayıt" təlim-məşq toplanışının ikinci mərhələsi üçün sabah Türkiyəyə yola düşəcək. Sport24.az-ın əldə etdiyi məlumata görə, artıq "kimyaçılar"ın qardaş ölkədə yoxlama oyunlarında üz-üzə gələcək rəqiblərin adları adları müəyyənləşib.
Samir Abasovun komandası ilk oyunda Rusiya təmsilçisi ilə qarşılaşacaq. İyulun 7-də keçiriləcək qarşılaşmada "Sumqayıt" "Orenburq"u sınağa çəkəcək. İkinci matçın tarixi bəlli olsa da, rəqibin adı tam dəqiqləşməyib. "Kimyaçılar" "Skupi" və ya "Qaziantepspor"la qarşılaşa bilər. 13-də baş tutacaq oyunda rəqibin kim olacağı qarşıdakı günlərdə müəyyənləşəcək. Və toplanışa iyulun 16-da keçiriləcək matçla yekun vurulacaq. Ölkəmizi Konfrans Liqasında təmsil edəcək kollektiv həmin gün "Adana Dəmirspor" üz-üzə gələcək.
Qeyd edək ki, "Sumqayıt" iylun 17-də Vətənə geri dönəcək.