Sport24.az
Misli Premyer Liqasının XII turu tamaşaçı sayında mövsümünün rekordu ilə əlamətdar olub. Sport24.az-ın məlumatına görə, bu, "Sumqayıt" - "Qarabağ" matçında baş tutub.
Mehdi Hüseynzadə adın Sumqayıt şəhər stadionundakı oyunu 9100 azarkeş tribunadan izləyib. Bu, mövsümün arxada qalan hissəsi üçün ən çox seyrçi toplayan görüşdür.
Bunadək rekord X turda qeydə alınmışdı. Tovuz şəhər stadionunda keçirilən "Turan Tovuz" – "Şamaxı" qarşılaşmasında 5800 izləyici olub.
Qeyd edək ki, "Qarabağ" "Sumqayıt"ı 4:2 hesabı ilə üstələyib.
