Idman.biz
Bu gün Misli Premyer Liqasında VIII turun daha bir oyunu "Sumqayıt" - "Karvan-Yevlax" arasında baş tutacaq.
İdman.Biz xəbər verir ki, saat 18:00-da start götürəcək turun mərkəzi qarşılaşmasını Rəvan Həmzəzadə idarə edəcək.
Son üç turda cəmi bir xal toplayan Sumqayıt təmsilçisi hazırda altıncı pillədə qərarlaşıb. 11 xala malik Saşa İliçin komandası bu matçda qalib gəlsə, turnir cədvəlində ən azı birgünlük üçüncü yerə yüksələcək. Yevlax klubu isə hazırda beş xalla turnir cədvəlində 10-cudur.
18 oktyabr (şənbə)
18:00. "Sumqayıt" - "Karvan-Yevlax"
Hakimlər: Rəvan Həmzəzadə, Cəmil Quliyev, Gülnurə Əkbərzadə, Kamran Əliyev
VAR: Əli Əliyev
AVAR: Əliyar Ağayev
Mehdi Hüseynzadə adına Sumqayıt şəhər stadionu
Qeyd edək ki, VIII tura oktyabrın 19-da yekun vurulacaq.
