Idman.biz
"Sumqayıt" futbol klubundan Misli Premyer Liqasının IV turu çərçivəsində "İmişli" ilə keçirilmiş oyuna görə sonuncuya verilmiş (0:3) məğlubiyyətə reaksiya verilib.
Mətbuat katibi Zaur Xudiyev İdman.biz-lə söhbətində bu qərarın çempionatın əsasnaməsinə uyğun olaraq verildiyini qeyd edib.
"İntizam Komitəsi belə bir qərar qəbul edib və bu, qanunun tələbinə uyğundur. Bu qərarla razılaşmaya bilmərik. "İmişli"nin bu qərarla razılaşmaması onların hüququdur. Onların da qanuni olduğu üçün apellyasiya şikayəti vermək hüququ var. Biz "Sumqayıt" Futbol Klubu olaraq bu məsələyə münasibət bildirə bilmərik. Yalnız xatırlatmaq istərdik ki, buna bənzər hallar əvvəllər də Premyer Liqada baş verib və "İmişli" ölkə çempionatları tarixində texbiki məğlbiyyət alan ilk komanda deyil", - mətbuat katibi bildirib.
Xatırladaq ki, Azərbaycan Premyer Liqasının IV turunun "İmişli" – "Sumqayıt" oyunu 1:0 hesabı ilə meydan sahiblərinin xeyrinə başa çatıb. Lakin meydançaya protokolda yer almayan futbolçunu buraxdığı üçün "İmişli"yə texniki məğlubiyyət verilib.
Vüqar Vüqarlı
İdman.biz
