Sport24.az
Minsk "Dinamo"su avrokuboklarda ev oyunlarını Sumqayıtda keçirəcək. Sport24.az xəbər verir ki, Belarus təmsilçisi Avropa Liqasında mübarizəni dayandıracağı halda Konfrans Liqasının qrupunda yola davam edəcək.
"Dinamo" Avropa Liqasının qrup mərhələsinə vəsiqə qazanasa, yeni reqlamantə uyğun Sumqayıtda 4 görüş keçirəcək. Konfrans Liqasının qrupunda çıxış edəcəyi təqdirdə isə oyunların sayı 3 olacaq.
Bəs Belarus təmsilçisinin rəqiblərini Mehdi Hüseynzadə adına Sumqayıt şəhər stadionunda qəbul etməsi şəhərin eyniadlı komandasına nə qazandıracaq?
Etibarlı mənbədən əldə etdiyimiz məlumata əsasən, "kimyaçılar"ın rəhbərliyi qarşı tərəfdən bir oyun və 2 komandanın oyunöncəsi məşqinə görə 10 min dollar istəyib ki, belaruslar bununla razılaşıblar. Odur ki, "Dinamo"nun hansı turnirdə yoluna davam etməsindən asılı olaraq, "Sumqayıt"ın büdcəsinə 30 və ya 40 min dollar daxil olacaq.
