Idman.biz
Cari yay transfer kampaniyası zamanı Almaniyanın "Ştutqart" komandası "Bavariya"nın hücumçusu Nik Voltemadeyə görə etdiyi təklifi böyük maraqla qarşılayıb.
İdman.biz xəbər verir ki, lakin sonda "şvablar" 23 yaşlı futbolçunu özlərində saxlamaq qərarına gəliblər.
"Bayern"in son iki təklifi zamanı klublar arasındakı yazışmaların fraqmentləri mediaya sızıb. "Bayern"in ilkin 40 milyon avro + 5 milyon avro bonus təklifinə "Ştutqart"ın 11 iyul tarixli cavabında deyilir: "Təklifiniz üçün təşəkkür edirik, gözləntilərimizdən kənara çıxma o qədər böyükdür ki, razılaşmanın mümkünlüyünü tamamilə qeyri-real hesab etməliyik.
Bundan əlavə, Voltemadenin getməsi ilə bağlı idman itkilərimiz sizin təklifinizdən gələn qazancdan qat-qat çox olacaq.
Bu səbəbdən biz danışıqları dayandırmaq istəyirik. Sizdən xahiş edirik ki, bu oyunçunu transfer etmək üçün əlavə cəhdlərdən çəkinəsiniz".
Daha sonra "Bayern" yeni təklif edib - 50 milyon avro + 5 milyon avro, lakin Ştutqartın cavabı çox da dəyişməyib: "Bizim üzbəüz görüşdən imtina etmək qərarımız mövqelərimizin bir-birindən çox fərqli olması ilə bağlıdır. Son təklifiniz bu vəziyyəti dəyişmir. Ona görə də oyunçu ilə bağlı son mövqeyimizə hörmətlə yanaşmanızı xahiş edirik".
Qeyd edək ki, bundan əvvəl hücumçunun agenti "Ştutqart" rəhbərliyini transferə mane olduqlarına görə tənqid etmişdi.
İdman.biz
