İdman.biz
Serbiya Futbol İttifaqı ölkə yığmasının baş məşqçisi Draqan Stoykoviçlə müqaviləni yeniləyəcək.
İdman.biz xəbər verir ki, tərəflər arasında yeni razılaşma mayın 27-də imzalanacaq və 2026-cı ilə kimi nəzərdə tutulub.
59 yaşlı mütəxəssis 2021-ci ilin martında Serbiya millisinə başçılıq edir. Komanda Stoykoviçin rəhbərliyi ilə DÇ-2022-nin final mərhələsində iştirak edib və turniri qrupda başa vurub.
Qeyd edək ki, serblər AVRO-2024-ə yüksəliblər. Stoykoviçin komandası B qrupunda İngiltərə, Sloveniya və Danimarka ilə yarışacaq.
İdman.biz
