Idman.biz
İngiltərənin "Sports Mole" nəşri Çempionlar Liqasının qrup mərhələsinin dördüncü turunda "Qarabağ"la səfər oyunu üçün London "Çelsi"sinin ehtimal olunan start heyətini açıqlayıb.
İdman.Biz-in məlumatına görə, Enzo Mareska Bakıda heyətdə rotasiya edə və Moyses Kaysedoya istirahət verə bilər.
Dayaq yarımmüdafiəçi mövqeyində Romeо Lavia, müdafiənin sağ cinahında isə Malo Qusto gözlənilir. Həmçinin bildirilir ki, "mavilər"in kapitanı Ris Ceyms böyük ehtimalla oyuna ehtiyat skamyasından başlayacaq.
Nəşrin versiyasına görə, "Çelsi" Bakıda oyuna bu heyətlə çıxacaq:
Robert Sançes; Malo Qusto, Coş Açemponq, Tosin Adarabayo, Mark Kukurelya; Romeо Lavia, Enzo Fernandes; Estevan, Joau Pedru, Ceymi Qittens; Mark Qiyu.
Qeyd olunur ki, hücum xəttində üstünlük Qiyuya verilib, Liam Delap isə ehtiyatda qala bilər. Qapıda Sançesin oynaması gözlənilir, baxmayaraq ki, Filip Yorqensenin də meydana çıxmaq şansı var.
"Qarabağ" və "Çelsi" arasında görüş çərşənbə günü, noyabrın 5-də Tofiq Bəhramov adına Respublika Stadionunda keçiriləcək və Bakı vaxtı ilə saat 21:45-də başlayacaq. Ağdam və London klubları üç turdan sonra altı xal toplayıb və turnir cədvəlində müvafiq olaraq 13-cü və 11-ci yerləri bölüşürlər.
Teymur Tuşiyev
