Idman.biz
Kabo-Verde millisinin müdafiəçisi Piko Lopes sosial şəbəkədə gözlənilməz mesajdan sonra milli komandaya dəvət alıb.
İdman.Biz-in "Sky Sports"a istinadən verdiyi məlumata görə, milli komandanın meneceri futbolçuya məktub yazıb, ona Kabo-Verde yığmasında oynamaq şansı təklif edib. Lakin oyunçu portuqal dilini bilmədiyi üçün spam olduğunu düşünərək əvvəlcə mesaja məhəl qoymayıb.
Menecer daha sonra ingiliscə mesajı yenidən yayımladı və Lopes qəbul etdi. İndi İrlandiyanın "Şemrok Rovers" klubunun 33 yaşlı müdafiəçisi Esvatinini 3:0 hesabı ilə məğlub edərək tarixində ilk dəfə dünya çempionatına vəsiqə qazanan Kabo-Verde millisinin qəhrəmanlarından birinə çevrilib.
2026-cı il dünya çempionatı yayda ABŞ, Kanada və Meksikada keçiriləcək.
