Idman.biz
"Los-Anceles"in hücumçusu Son Xın Min dünya çempionu Lionel Messinin "İnter Mayami"dəki çıxışının onun MLS-ə keçidinə necə təsir göstərdiyini izah edib.
İdman.Biz-in məlumatına görə, 33 yaşlı cənubi koreyalı avqustun əvvəlində 26 milyon dollara "Tottenhem"dən "Los-Anceles"ə keçib.
"Mən ona görə MLS-ə gəlmədim, amma o, mənə müəyyən təsir göstərdi. O, liqanı daha da böyütdü və mən də ona oxşamaq istəyirəm. Gizlədəcək heç nə yoxdur. Biz eyni komandada deyilik, ona görə də onun oyununu səbrsizliklə gözləyirəm", - koreyalı forvard deyib.
Son Xın Min əvvəllər "Seul", "Hamburq" və "Bayer Leverkuzen" komandalarında oynayıb. O, 2015-ci ildən London klubundadır. Son "Tottenhem"də 454 oyun keçirib, 173 qol vurub və 101 məhsuldar ötürmə ilə 2024/2025 Avropa Liqasının qalibi olub.
