Sport24.az
Futbol üzrə Türkiyə Superliqasında 2024-2025-ci illər mövsümünə start verilib. Sport24.az xəbər verir ki, son çempion "Qalatasaray" doğma meydanda "Hatayspor"la qarşılaşıb.
Görüş İstanbul nəhənginin 2:1 hesablı qələbəsi ilə başa çatıb. Hesabı Hatay təmsilçisi açsa da, Mauro İkardi 80-ci dəqiqədə penaltidən fərqlənərək bərabərlik qoluna imza atıb. Mişi Batşuayi isə 90-cı dəqiqədə komandasına qələbə gətirən qolu vurub.
Qeyd edək ki, bu gün "Kasımpaşa" "Konyaspor"la, "Antalyaspor" "Göztəpə" ilə, "Fənərbağça" isə "Adana Demirspor"la qarşılaşacaq.
