Lent.az
Uesli Sneyder 2026-cı il Dünya çempionatını qazana biləcək ən yaxşı dörd namizədini müəyyən edib və hazırkı çempionlar onların arasında deyil.
Lent.az-ın xarici mediaya istinadla xəbərinə görə, o, İspaniya, Braziliya, Portuqaliya və Fransanı favorit hesab edir.
Lakin Sneyder Argentina haqqında açıq danışıb: "Əgər şanslı olsalar, yarımfinala yüksələ bilərlər".
O, həmçinin iddiaçıların gücünü qeyd edib: "İngiltərənin inanılmaz bir komandası var. Hollandiyanın da. Amma yarımfinal üçün dörd komanda seçməliyəm və mən belə düşünürəm".
Sneyderin açıqlamaları artıq azarkeşlər arasında mübahisələrə səbəb olub, çünki Argentina hələ də qarşıdan gələn turnirin əsas favoritlərindən biri hesab olunur.
