Sport24.az
"Çətin oyun oldu. Rəqibin gücünü bilirdik. Finala çıxmağa çalışdıq, amma alınmadı. Rəqib bizi üstələdi". Sport24.az xəbər verir ki, bu sözləri jurnalistlərə açıqlamasında "Araz-Naxçıvan"ın futbolçusu Slavik Alxasov deyib.
Cinah oyunçusu "Qarabağ"a üç cavabsız qolla uduzduqları Azərbaycan Kubokunun yarımfinal mərhələsinin cavab oyunu ilə bağlı fikirlərini bölüşüb:
"İlk matçda üstünlük bizdə idi. Cavab qarşılaşmasına da ciddi hazırlaşmışdıq. Amma alınmadı. Rəqibin gücü də buna imkan vermədi. Komandamız pis oynamadı. Bizim də qol şanslarımız var idi. İlk hissədəki şanslardan yararlanan bilsəydik, başqa cür ola bilərdi. "Qarabağ"ın ilk qolundan sonra kompakt oyunu saxlaya bilmədik".
Alxasov Premyer Liqada üçüncü yeri qoruyub saxlamaq istədiklərini vurğulayıb: "Qarşıda beş final oyunumuz var. Çempionatın ikinci dövrəsindən sonra zədəlilərimiz çox oldu. İstər-istəməz eniş yaşandı. Futbolda həmişə üst səviyyədə çıxış edə bilmərsən. Heç kim zədədən sığortalanmayıb".
O, son olaraq 32-ci turda "Səbail"ə qarşı keçirəcəkləri matça da toxunub:
"Rəqib sonuncu yerdə olsa da, futbol üslubu yaxşıdır. Çox çətin matç olacaq. Onlar da axırıncı yerdən qurtulmağa çalışırlar. Qələbə qazanmaq üçün meydana çıxacağıq".
Sportnews.az — idman dünyasında baş verən əsas hadisələrə həsr olunmuş aparıcı idman portalıdır. Biz hər gün ən son xəbərləri, oyun nəticələrini, müsahibələri, analizləri və proqnozları təqdim edirik.
Saytımızda siz tapa bilərsiniz:
Futbol: yerli və beynəlxalq liqalar, xüsusi diqqət — "Qarabağ" FK
Tennis, şahmat, gimnastika, voleybol, basketbol
Döyüş növləri: boks, güləş, cüdo
Formula 1 və Olimpiya Oyunları
Eləcə də diqqətəlayiq digər idman növləri
Biz azərbaycanlı idmançıların uğurlarını izləyirik, mühüm turnirləri işıqlandırırıq, yığmaların hazırlığı və fərdi nailiyyətlər barədə məlumat veririk. Bütün materiallar faktlara, ekspert şərhlərinə və keyfiyyətli təqdimata əsaslanır.
Niyə məhz Sportnews.az:
Yalnız aktual və etibarlı xəbərlər
Azərbaycan və dünya idmanının tam əhatəsi
Rahat struktur, müntəzəm yenilənmələr, obyektiv baxış
Əsas idman xəbərlərindən xəbərdar olmaq üçün bizimlə qalın.
Sportnews.az — burada idman ucadan danışır.
