Idman.biz
"Avrokuboklarda hər komandanın özünəməxsus keyfiyyətləri var. Komanda olaraq maksimum səviyyədə olmaq vacibdir. Daha sonra həftə ərzində təhlillər apararaq, rəqibin güclü tərəflərini təhlil edərək, onları zərərsizləşdirməyə və yaradılan imkanlardan istifadə etməyə çalışacağıq. Söhbət son dərəcə ciddi komandadan gedir. "Qarabağ" 12 mövsümdə 11 dəfə çempion olub. Onların 17 il ardıcıl komandaya rəhbərlik edən çox ciddi və yaxşı baş məşqçiləri var. Rəqibə hörmətlə yanaşsaq, hər an özümüzə hörmət etməyi unutmayacağıq".
İdman.biz xəbər verir ki, bunu "Qarabağ"ın UEFA Çempionlar Liqası 3-cü təsnifat mərhələsindəki rəqibi "Şkendiya"nın baş məşqçisi Jeton Beqiri deyib.
O, oyundan əvvəl keçirilən mətbaut konfransında şanslardan istifadə etməli olduqlarını bildirib: "Bizim üçün ən yüksək səviyyədə çıxış etmək çox vacibdir. FCSB ilə ilk matçdan sonra oyundan razı deyildim. Bilirdim ki, irəliləmək üçün daha yaxşı oynamalıyıq. İnanıram ki, şanslarımız çox olacaq. Çox diqqətli olmalı, şansımızdan istifadə etməliyik. "Qarabağ"la əvvəlki rəqibimiz FCSB arasında müqayisə aparmaq istəməzdim. Çünki söhbət müxtəlif tipli komandalardan gedir. İnanıram ki, "Qarabağ"ın gücü onların baş məşqçisi və uzun müddətdir bir yerdə olan, komandanı ciddiləşdirən bəzi oyunçulardır. Biz rəqibə hörmət etməliyik. Əlbəttə ki, onları favorit hesab edirik. Amma hər şeyi sanımaq üçün 90 dəqiqə var".
Qeyd edək ki, "Şendiya" - "Qarabağ" matçı sabah 22:00-da start götürəcək.
İdman.biz
