Sport24.az
Çempionlar Liqasının III təsnifat mərhələsinin "Qarabağ" – "Şkendiya" oyunundan (5:1) sonra qonaq komandanın baş məşqçisi Jeton Beqiri jurnalistlərin suallarını cavablandırdı. Sport24.az xəbər verir ki, mütəxəssis media nümayəndələri ilə görüşdə bunları dedi:
– Bakıya mərhələ keçmək üçün gəlmişdiz, amma fərqli hesab oldu. Bunun məntiqi izahını necə verərdiniz?
– "Qarabağ"ı təbrik edirəm. Sözün əsl mənasında bu qələbəyə layiq idilər və bizdən qat-qat yaxşı oynadılar. 1:5 hesabına deyəcək söz yoxdur. İlk hissədə çox pis oynadıq. Sabahdan matçı təhlil edib, Avroliqanın pley-off mərhələsinə hazırlaşacağıq.
– Bugünkü oyunda əsas problem nə idi – fiziki yorğunluq, ya səviyyə fərqi?
– Çox səbəblər var. Fiziki problem, intensivlik, taktiki məsələlər. İlk problem erkən qollar buraxmağımızdır. Çempionlar Liqasında oyun gərginliyi daha yüksək olur.
– Nəticə sürpriz oldu?
– Belə nəticə gözləmirdik. Belə oyunlardan dərs çıxarmalıyıq.
