Report.az
Qadın futbolçulardan ibarət Azərbaycan millisinin baş məşqçisi Siyasət Əsgərov Şimali Makedoniya yığmasının üstün və zəif cəhətlərini yaxşı bilir.
"Report" xəbər verir ki, mütəxəssis bu barədə mətbuat konfransında deyib.
O, sabah dünya çempionatının seçmə mərhələsi çərçivəsində Şimali Makedoniyada qarşı keçirəcəkləri matçda qələbə qazanmaq istədiklərini vurğulayıb:
"Bu rəqibə qarşı ilk dəfədir oynayırıq. Rəqibi təhlil etmişik. Üstün və zəif cəhətlərini yaxşı bilirik. İlk oyunumuza çıxırıq. İlklər həmişə çətin olur. Evdə maksimum xal qazanmaq istəyirik".
Qeyd edək ki, Azərbaycan - Şimali Makedoniya matçı sabah "Dalğa Arena"da saat 15:00-da start götürəcək.
