Sport24.az
Xavi Simons bu yay "Leypsiq"dən ayrılmağı düşünür. Sport24.az xəbər verir ki, bu barədə insayder Fabrizio Romano X sosial şəbəkəsində (keçmiş Twitter) məlumat yayıb.
Mənbənin sözlərinə görə, hollandiyalı futbolçu "Barselona"ya qayıtmaq arzusundadır. 21 yaşlı futbolçu İngiltərə klublarının da maraq dairəsindədir. Almaniya klubu Simonsun transferindən 75 milyon avro qazanmağı planlaşdırır.
Qeyd edək ki, futbolçu bu mövsüm bütün turnirlərdə 29 oyuna çıxıb, 10 qol vurub və 6 məhsuldar ötürmə edib. Onun klubla hazırkı müqaviləsi 2027-ci ilin yayına kimi nəzərdə tutulub.
