Sport24.az
Ukrayna Futbol Federasiyasının prezidenti Andrey Şevçenko sabiq klubu "Milan" haqda danışıb. Sport24.az xəbər verir ki, o, İtaliya təmsilçisinin hücum mövqeyində boşluqlar olduğunu dilə gətirib.
Sabiq futbolçu bildirib ki, komandanın daha böyük hədəflərə çatması üçün hücum xəttinə xüsusi səviyyədə oyunçu lazımdır:
"Milan"ın keyfiyyətinin artması və nəticələrinin yaxşılaşması üçün əsl mərkəz hücumçusuna ehtiyacı var. Pippo İnzaqi və ya Ernando Krespo səviyyəsində bir forvard komandanı başqa mərhələyə qaldıra bilər".
Qeyd edək ki, hazırda beynəlxalq turnirlərdə iştirak etməyən "Milan" bütün diqqətini daxili arenaya yönəldib. Massimiliano Alleqrinin komandası A seriyasında 13 turdan sonra 28 xalla liderdir. "Milan" növbəti oyununu İtaliya kuboku çərçivəsində səfərdə "Latsio"ya qarşı keçirəcək.
