Idman.biz
"Krasnodar"da olan infrastruktur məncə çox klubda yoxdur. Amma artıq klubumu dəyişmişəm, yeni yola çıxmışam".
Bu sözləri Azərbaycan milli komandasının üzvü Sevinc Cəfərzadə deyib.
Uzun illər Rusiyanın "Krasnodar" klubunda oynamış Cəfərzadə, yayda Türkiyənin "Yüksekova" komandasına keçib.
Qadınlardan ibarət milli komandamızın kapitanı hər iki klubu müqayisə edib və indi karyerasından da danışıb:
"Krasnodar"da olan infrastruktur məncə çox klubda yoxdur. Amma artıq klubumu dəyişmişəm, yeni yola çıxmışam. Düşünürəm ki, yeni klubumda adaptasiya dönəmini keçə bilmişəm və özümü hər gün daha yaxşı hiss etməyə başlamışam. Türkiyədə oynayıram, klubun ambissiyası bacardığımız qədər yüksək yerdə liqanı bitirməkdir. Bunun üçün çalışırıq. Burada oyunların səviyyəsini bəyənirəm. Düzü, belə təsəvvür etmirdim. Hər yerin mənfi və müsbət cəhətləri olur, bu da reallıqdır. Ancaq hər çətinliklə mübarizə aparıb, istənilən çətinliyi dəf etmək olar. Hazırda fikrim həm klubumda, həm də millidə daha faydalı oyunçu ola bilməkdi. Artıq bəlli bir yaşa gəlib, çatsam da, üzərimdə çox gənc futbolçu kimi çalışıram. Hədəflərim var və onlara çatmaq üçün durumuma görə gərəkən hər şeyi edirəm", - deyə sportal.az-a açıqlamasında deyib.
