Idman.biz
"Əl-İttihad" və "Əl-Hilal" artıq bu qış "Liverpul"un hücumçusu Məhəmməd Salahı transfer etmək üçün əsas namizədlər kimi qiymətləndirilir.
İdman.Biz xəbər verir ki, "Caught Offside" nəşrinin məlumatına görə, hər iki klub 33 yaşlı misirli forvardın keçidi üçün mersisaydlılara 80–100 milyon avro (təxminən 148–185 milyon AZN) təklif etməyə hazırdır.
Mənbə onu da bildirir ki, Salaha MLS klubları da maraq göstərir, lakin onlar maliyyə imkanlarına görə Səudiyyə Ərəbistanı təmsilçiləri ilə rəqabət apara bilmirlər.
Mümkün transferlə bağlı məlumat Salahın səs-küy doğuran müsahibəsindən az sonra yayılıb. O müsahibədə futbolçu "Liverpul"un baş məşqçisi Arne Slotla münasibətlərinin pisləşdiyini və mövcud vəziyyətdə özünü "günah keçisi" kimi hiss etdiyini bildirib.
2025/26 mövsümündə misirli futbolçu bütün turnirlərdə 19 oyunda iştirak edib, 5 qol vurub və 3 məhsuldar ötürmə verib. Onun "Liverpul"la müqaviləsi 2027-ci ilin yayına qədər qüvvədədir, Transfermarkt məlumatına görə bazar dəyəri isə 45 milyon avro (təxminən 83 milyon AZN) olaraq qiymətləndirilir.
