Idman.biz
Meksikanın "Monterrey" komandasının müdafiəçisi Serxio Ramos son oyununu keçirdiyini rəsmən təsdiqləyib və klubla yolunu ayırıb.
İdman.Biz xəbər verir ki, təcrübəli futbolçu hələlik karyerasını bitirmək niyyətində deyil.
Ramos futbol oynamağı davam etdirmək istəyir və qarşısına çıxacaq təklifləri dəyərləndirməyə hazırlaşır. O, bundan sonra azad agent statusunda olacaq.
Qeyd edək ki, Serxio Ramos "Monterrey"də çıxış etdiyi müddətdə komandanın əsas müdafiəçilərindən biri olub və Meksika çempionatında diqqətçəkən performansla yadda qalıb. İndi isə onun karyerasının növbəti dayanacağının hansı ölkə və klub olacağı maraqla gözlənilir.
