Sport24.az
"Real" sabiq müdafiəçisi və kapitanı Serxio Ramos Madrid klubundan ayrıldığını elan edən Luka Modriçə müraciət edib. Sport24.az xəbər verir ki, o, fikirlərini X sosial şəbəkəsində bölüşüb:
"Real"la vidalaşan tək futbolçu deyil, oyunu əsl sənətə çevirən dahi, sadiq dost və qardaşdır. Azarkeşlərin tribunaları doldurduğu, milyonlarla insanın ekran qarşısında donub qaldığı, heç bir anı qaçırmaq istəmədiyi biri...
Həqiqətən yüksək istedada malik və ləyaqətli insan - dost adlandırmaqdan qürur duyduğum biri.
Bernabeunun proyektorları artıq meydançaya girişini işıqlandırmayacaq, lakin adın ən böyük əfsanələrlə yanaşı, klubun tarixinə qızıl hərflərlə yazılacaq.
Qardaş, biz madridlilərin bir sözü var: təşəkkür edirəm. Hər şey üçün təşəkkür edirik. Həyatının yeni mərhələsi sənə xoşbəxtlik gətirsin. Əminəm ki, yollarımız yenidən kəsişəcək"
Qeyd edək ki, Modriç mövsümün sonunda "Real"dan ayrılacaq. O, 13 il Madrid klubunda çıxış edib. Bu müddət ərzində 39 yaşlı xorvatiyalı futbolçu 6-sı Çempionlar Liqası kuboku olmaqla, ümumilikdə 28 titul qazanıb.
