Sport24.az
Tezliklə 40 yaşını tamamlayacaq ispaniyalı müdafiəçi Serxio Ramos karyerasını davam etdirib-etdirməyəcəyi ilə bağlı hələ qərar verməyib. Sport24.az xəbər verir ki, bu barədə "Marca" məlumat yayıb.
Ramos karyerasını "Sevilya"da başa vurmaq istəsə də, klub rəhbərliyi futbolçunun "Five Eleven Capital" investisiya fondu ilə əlaqəsini əsas gətirərək bu variantı istisna edib. Nəticədə 39 yaşlı müdafiəçi hazırda karyerasını başa vurmaq və ya Avropa klublarından, eləcə də Qətər və Səudiyyə Ərəbistanı təmsilçilərindən gələn təklifləri dəyərləndirmək arasında qalıb.
Qeyd edək ki, Ramos İspaniyada yalnız "Real" və "Sevilya"nın formasını geyinməyə razıdır. Xaricdən gələn təkliflərin əsas çətinliyi isə futbolçunun ailəsindən uzaq qalmaq istəməməsidir. Məhz bu amil qərarın verilməsini çətinləşdirir.
