İdman.biz
"Sumqayıt"a keçdiyim üçün xoşbəxtəm".
Bunu İdman.bizə "Sumqayıt"ın yeni transferi Sərtan Taşkın deyib.
26 yaşlı futbolçu Türkiyədən yenidən Vətənə qayıtmasını şərh edib. Son mövsümü "Manisa"da keçirən Taşkın bildirib ki, təklif "Sumqayıt" rəhbərliyindən gəlib: "Mən də bir müddət düşünüb, atacağım bu addımın xeyirli olacağına qərar verdim. Fikrimcə, "Sumqayıt"a xeyrim dəyəcək. Yenidən Azərbaycanda oynamaq xoşdur. Xaricdə uzun müddət çıxış etmədim, deməli, belə olmalıymış. Bu il əlimizdən gələnin maksimununu edəcəyik".
Qeyd edək ki, 2019/2020 mövsümündə də "Sumqayıt"da çıxış etmiş Taşkınla 1+1 illik müqavilə imzalayıb.
Banuçiçək Hüseynli
İdman.biz
