Idman.biz
İtaliya A Seriyasının 27-ci turu çərçivəsində keçirilən mərkəzi qarşılaşmada "Roma" futbol komandası doğma meydanda "Yuventus"u qəbul edir. Paytaxtın "Olimpiko" stadionunda baş tutan oyunda gərginlik pik həddə olub.
İdman.Biz xəbər verir ki, qarşılaşmada ilk qolu 39-cu dəqiqədə "Roma"nın müdafiəçisi Uesli Fransa vurub. İkinci hissənin əvvəlində, 47-ci dəqiqədə Şiku Konseysau hesabı bərabərləşdirsə də, meydan sahibləri tezliklə yenidən önə keçiblər. 54-cü dəqiqədə "Roma"nın oyunçusu Evan Ndika, 65-ci dəqiqədə isə Doniell Malen toru silkələyərək paytaxt klubunun üstünlüyünü artırıblar. Matçın 78-ci dəqiqəsində "qoca sinyora"nın yarımmüdafiəçisi Jeremi Boqa fərqi minimuma endirərək hesabı 3:2 edib. Oyunun uzatma dəqiqələrində (90+3) Federiko Qatti hesaba tarazlıq gətirib. Matç 3:3 hesabı ilə başa çatıb.
Bu oyuna qədər keçirdiyi 26 matçda 50 xal toplayan "Roma" turnir cədvəlinin dördnücü pilləsində qərarlaşıb. 46 xalı olan "Yuventus" isə altıncı sırada yer alıb.
Növbəti turda "Roma" martın 8-də "Genoa" ilə qarşılaşacaq. "Yuventus" isə bir gün əvvəl "Piza"nı sınağa çəkəcək.
23:25
İtaliya A Seriyasının 27-ci turu çərçivəsində keçirilən "Torino" - "Latsio" matçı meydan sahiblərinin 2:0 hesablı qələbəsi ilə başa çatıb. Turin klubu öz azarkeşləri önündə paytaxt təmsilçisini xalsız yola salıb.
İdman.Biz xəbər verir ki, hesab 21-ci dəqiqədə açılıb. Covanni Simeone dəqiq zərbə ilə "Torino"nu hesabda irəli çıxarıb. Meydan sahiblərinin üstünlüyünü isə 53-cü dəqiqədə Duvan Sapata möhkəmləndirib. Kolumbiyalı hücumçu Rafael Obradorun ötürməsini qola çevirərək matçda son nöqtəni qoyub.
Bu məğlubiyyətlə "Latsio" çempionatda qələbəsiz oyunlar seriyasını dörd matça çatdırıb. Paytaxt klubu 34 xalla turnir cədvəlinin 10-cu pilləsində qərarlaşıb. Xallarını 30-a yüksəldən "Torino" isə 14-cü sıraya qalxıb.
20:25
İtaliya A Seriyasının 27-ci turu çərçivəsində keçirilən "Sassuolo" - "Atalanta" matçı meydan sahiblərinin 2:1 hesablı sürpriz qələbəsi ilə başa çatıb.
İdman.Biz xəbər verir ki, oyunun hələ 16-cı dəqiqəsində "Sassuolo"nun hücumçusu Andrea Pinamonti birbaşa qırmızı vərəqə alaraq meydandan qovulub. Azlıqda qalan meydan sahibləri buna baxmayaraq, 23-cü dəqiqədə İsmayıl Konenin qolu ilə hesabı açıblar.
İkinci hissədə üstünlüyünü artıran "qara-yaşıllar" 69-cı dəqiqədə Kristian Torstvedtin vurduğu qolla fərqi ikiyə çatdırıblar. Görüşün sonlarında, 89-cu dəqiqədə Yunus Musa "Atalanta"nın yeganə qoluna imza atsa da, bu, bərabərlik üçün kifayət etməyib.
Bu nəticədən sonra xallarını 38-ə çatdıran "Sassuolo" turnir cədvəlində səkkizinci pilləyə yüksəlib. 45 xalı olan "Atalanta" isə yeddinci sırada qərarlaşıb.
17:36
İtaliya A Seriyasının 27-ci turu çərçivəsində keçirilən "Kremoneze" - "Milan" matçı qonaqların çətin qələbəsi ilə başa çatıb.
İdman.Biz xəbər verir ki, oyunun taleyi yalnız son dəqiqələrdə həll olunub. Görüşün 90-cı dəqiqəsində müdafiəçi Strahinya Pavloviç hesabı açıb.
Meydan sahiblərinin bərabərlik qolu üçün irəli atıldığı vaxtda - 90+4-cü dəqiqədə "Milan" əks-hücumda ikinciqolu vurub. Sonradan meydana daxil olan Kristofer Nkunku ötürməsi ilə portuqaliyalı ulduz Rafael Leaunu qapıçı ilə üz-üzə qoyub və o, son nöqtəni qoyub - 2:0.
Bu qələbədən sonra "Milan" 57 xalla turnir cədvəlinin ikinci pilləsində qərarlaşıb. Lider "İnter"lə xal fərqi 10-dur. "Kremoneze" isə 24 xalla 17-ci sırada yer alıb.
