İdman.biz
"Azarkeşlər üçün fantastik oyun oldu".
İdman.biz xəbər verir ki, bunu "Dinamo"nun baş məşqçisi Sergey Yakiroviç deyib.
Xorvatiya çempionunun çalışdırıcısı Çempionlar Liqasının pley-offunda "Qarabağ" üzərində qazanılan 3:0 hesablı qələbəni şərh edib: "Komandanı təbrik edirəm, çox yaxşı oynadıq. "Qarabağ"ın təhlükəli rəqib olduğu bir daha təsdiqləndi. Hücumlar zamanı çox təhlükəli oldular. Əgər onlar topa sahib olduqdan dərhal sonra ciddi pressinq etməsən müdafiə olunmaq çox çətindir. Biz rəqibin zəif tərəflərindən istifadə etdik. Nəticədə onları cəzalandırdıq".
Bosniyalı mütəxəssis "Qarabağ"a qarşı planın uğurlu olduğunu bildirib: "Bizim iki planımız var idi. İlk planda rəqibi sıxmaq və topu almaq istəyirdik. İkinci hissədə 60-cı dəqiqədən sonra sistemi dəyişdik. Ona görə ki, çox güc itirirdik, nəticədə rəqib qapısında təhlükəli vəziyyətlər yaratmağa başladıq. Biz çətin olacağını bilirdik. Çünki "Qarabağ" "Lüdoqorets"dən daha yaxşı komandadır. Qapıçımız əla oyun keçirdi"
Qeyd edək ki, komandalara arasında cavab oyunu avqustun 28-də Bakıda olacaq.
İdman.biz
