İdman.biz
"Avropa kuboklarında uzun müddətdir çıxış edən güclü rəqiblə qarşılaşacağıq. Ötən mövsümdə "Bayer"ə çətin anlar yaşadıb".
İdman.biz xəbə verir ki, bunu "Dinamo"nun baş məşqçisi Sergey Yakiroviç deyib.
Bosniyalı mütəxəssis Çempionlar Liqasında "Qarabağ"la keçiriləcək ilk oyundan əvvəl təşkil olunan mətbuat konfransında iştirak edib. O, Azərbaycan çempionunun heyətində təhlükəli futbolçular olduğunu bildirib: "Qarabağ" III mərhələdə 7 qol vurub. Heyətində yaxşı futbolçular var və bir-birləri ilə çox yaxşı anlaşırlar. Juninyo, Zubir kimi təhlükəli oyunçuları var. Bu baxımdam oyunda ciddi konsentrasiya olmalıyıq. Evdə azarkeşlərin dəstəyi ilə qələbə qazanıb, cavab matçına daha rahat çıxa bilərik".
Zaqreb klubunun çalışdırıcı cütün taleyinə ikinci matçda aydınlıq gələcəyini vurğulyaıb: "Sabah ilk hissə oynanılacaq. Nəticədən asılı olmayaraq, qalib ikinci oyunda bəlli olacaq. Üstəlik, "Qarabağ" sırf Azərbaycan komandası deyil. Heyətdə fransalı, braziliyalı, kolumbiyalı, əlcəzairli futbolçular çıxış edir. Diqqətli olmalıyıq".
Qeyd edək ki, "Maksimir" stadionunda keçiriləcək "Dinamo" - "Qarabağ" matçı saat 23:00-da start götürəcək.
