Sergey Yakiroviç: "Belə halın yaşanacağını düşünürəm"

"Qarabağ" UEFA Çempionlar Liqasında pley-off matçına çıxacaq. Sport24.az xəbər verir ki, Zaqreb "Dinamo"sunun çalışdırıcısı Sergey Yakiroviç mətbuat konfransında jurnalistlərin suallarını cavablandırıb:

"Keçən oyunu 3:0 qalib gəlməyimizə baxmayaraq, bu oyuna çox ciddi şəkildə hazırlaşmışıq. Rəqibimiz çox güclüdür. Onların hazırlıq səviyyəsi kifayət qədər yüksəkdir. Bütün bunları nəzərə alsaq, əsasən müdafiəni gücləndirmək şərtilə, oyunçuların hazırlıq səviyyəsinin yüksək formada olmasına çalışmışıq".

- Sabahkı təyyarənin havaya qalxması üçün 90 dəqiqə nəzərdə tutulub, yoxsa penaltilər də nəzərə alınıb?

- Bunun üçün konkret vaxt nəzərdə tutulmayıb. Oyunun gedişatından asılı olaraq görəcəyik.

- Hesab edirsiz ki, "Maksimir"dəki hesab ədalətli deyildi?

-Nəticənin ədalətli olub-olmaması kimi şərh verə bilmərəm. Biz oyunda daha çox ona baxırıq ki, rəqib bizim üçün nə qədər şans yaradır ki, onların qapısına daha çox qol vuraq. Ya da rəqib tərəfdən belə olmasına fikir veririk. Nəticə də yaranan vəziyyətlədən asılı olur. 

- "Qarabağ" "Ludoqorets"ə evdə uduzdsa da, səfərdə qalib gələrək rəqibin baş məşqçisini istefaya göndərdi. Qorxmursuz ki, sabah da siz böyük hesabla uduzasız və istefaya gedəsiz?

-Həmin məşqçinin istefası barədə məlumatım yoxdur. Böyük ehtimalla artıq təqaüd yaşı çatdığına görə istefa vermişdi. Mənim elə fikrim yoxdur. Bu komanda ilə yeni başlamışam və iddialıyam. Yaxşı nəticələrin olacağına güvənirəm. Komanda ruhumuza, oyunçulara güvənirəm. Belə halın yaşanacağını qətiyyən düşünmürəm.

Qeyd edək ki, "Qarabağ" - "Dinamo" matçı sabah saat 20:45də başlayacaq.