Idman.biz
Ukrayna milli komandasının baş məşqçisi Serhiy Rebrov MEGOGO-nun efirində 2026-cı il dünya çempionatının seçmə mərhələsi çərçivəsində Azərbaycana qarşı Bakıda keçirilən II tur matçının nəticələrindən danışıb.
İdman.biz xəbər verir ki, Bakıda keçirilən oyun 1:1 hesabı ilə başa çatıb.
Rebrov qeyd edib ki, komandası kifayət qədər qol şansı yarada bilməyib: "Təəssüf ki, yalnız son 15 dəqiqədə rəqibin cərimə meydançasını yükləməyə başladıq. Bunu daha tez etməliydik. Meydança ağır idi və Azərbaycan İslandiya ilə matçla müqayisədə tamamilə fərqli - kompakt şəkildə, zonalardan çıxmadan oynadı".
Məşqçi VAR epizodlarını da şərh edib: "Bizə qarşı penalti, əlbəttə ki, oyunu pozdu. Amma üçüncü dəqiqədə penalti təyin olunsaydı, çətin ki, nəsə dəyişərdi. Hakim qərarını verdi, mən bunu müzakirə edə bilmərəm".
Məşqçi vurğulayıb ki, hücumçuların sayını əsas hesab etmir: "Vacib olan futbolçuların hansı funksiyaları yerinə yetirməsidir. Bu gün üç hücumameyilli oyunçumuz var idi, lakin onlar həmişə düzgün yerdə deyildilər".
İdman.biz
