Lent.az
Türkiyənin məşhur klubu "Beşiktaş" yeni baş məşqçisini müəyyənləşdirib.
Lent.az Türkiyə mediasına istinadən məlumat verir ki, "qara qartallar"ın sükanı arxasına yenidən Sergen Yalçın keçib. O, artıq bu gündən etibarən komandanın məşqlərində iştirak etməyə başlayacaq.
Xatırladaq ki, Yalçın bundan əvvəl də "Beşiktaş"a rəhbərlik edib. 2020-ci ilin yanvarından 2021-ci ilin dekabrınadək baş məşqçi postunda çalışan mütəxəssis həmin müddətdə klubla həm Türkiyə Superliqasının, həm də kubokun qalibi olub.
Qeyd edək ki, "Beşiktaş" dünən UEFA Konfrans Liqasındakı uğursuz nəticələrdən sonra norveçli çalışdırıcı Ole Qunnar Sulşerlə yollarını ayırdı.
