Idman.biz
"Radniçki K" klubunun baş məşqçisi Mladen Jijoviç Serbiya Superliqasının 14-cü turunda "Mladost L" ilə matç zamanı vəfat edib.
İdman.Biz bildirir ki, oyunun 22-ci dəqiqəsində 44 yaşlı məşqçinin halı qəfildən pisləşib və o, ehtiyat oyunçular skamyasının yanında yıxılıb. Oyun dayandırılıb və təcili yardım briqadası dərhal hadisə yerinə gəlib, məşqçiyə ilk tibbi yardım göstərilib və o, xəstəxanaya aparılıb.
Oyun bərpa edildikdən 20 dəqiqə sonra hakim oyunu yenidən dayandırıb və oyunçulara məşqçinin öldüyü bildirilib. Bəzi oyunçular ya yerə yıxılıb, ya da ağlayaraq diz çöküblər.
Ölüm səbəbi hələ də məlum deyil.
Mladen Jijoviç 27 dekabr 1980-ci ildə anadan olub. Oyunçu karyerası ərzində Bosniya, Albaniya və Serbiya klublarında oynayıb. O, həmçinin Bosniya və Herseqovina milli komandasında da oynayıb. Mütəxəssis 23 oktyabrda "Radnički K"nin rəhbərliyinə gətirilib. Bu, Jijoviçin Superliqa komandasının məşqçisi təyin olunduğundan bəri yalnız üçüncü oyunu idi.
