Şəmsəddin Abbasov: "Doqquz il boşuna keçməyib"

Bu gün "CBC Sport" telekanalı üçün əlamətdar gündür. Noyabr ayının 1-i kanalın əsas yayıma keçməsindən 9 il ötür.

"CBC Sport"un baş redaktoru Şəmsəddin Abbasov Sport24.az-a açıqlamasında həm keçmişə boylandı, həm də gələcək məqsədlərə toxundu.

"Geridə qalan doqquz ili mənim dəyərləndirməyim düzgün olmaz. Bu barəfə futbol ictimaiyyəti danışmalıdır. Amma bu gün bizə gələn bu qədər təbrik və diqqət onu göstərir ki, 9 il boşuna keçməyib. Qısa zamanda bu kanal quruldu. Bu gün böyük tamaşaçı kütləsi toplamağı bizi sevindirir. Başda Volkan Üst olmaqla digər əməkdaşlarımız iş başındadır. Arzum gələcəkdə "CBC sport"un tək ölkəmizdə deyil, Azərbaycanın hüquqlarından kənarda izlənilsin. Kifayət qədər diqqətin olduğunu hiss edirik. Müxtəlif qitə və ölkələrdən kanalımız izlənilir. Sosial media səhifəlirimizə gələn məktublardan bunu anlayırıq. "CBC sport" yaranan gündən Azərbaycan idmanının  böyük ölçüdə arxivi toplanılır. Oyunlar, tədbirlər, yarışlar və s. Ən böyük qazancımız ölkəmizdəki bütün idman federasiyaları ilk növbədə "CBC sport"la çalışmaq arzusunda olmasıdı. Biz bu müddətdə bütün federasiyalarla, idman qurumları, Milli Olimpiya Komitəsi və Gənclər və İdman Nazirliyi ilə sağlam münasibətlər qurmuşuq. Çox sevinirik ki, "CBC sport" qarşıda gələn 3-cü MDB oyunlarında Azərbaycan Prezidenti Cənab İlham Əliyevin sərəncamı ilə bağlı "CBC sport"un direktoru Volkan Üstün təşkilat komitəsində yer alması böyük bir hadisədir. 

Abbasov "CBC sport"un gələcək planları haqqında bunları deyib:

"Gələcək planlarımız ən azından bu yüksək tempi aşağı salmamaqdır. Daha da böyümək, peşəkar, dürüst şəkildə yarışları və oyunları yayımlamaqdır. 9 il ərzində ən böyük nailiyyətlərimizdən biri də "CBC sport"un məktəbə çevrilməsidir.

Kanalın heyətinə baxsaq daha çox gənclərdir. Çoxları buna qədər heç bir iş təcrübəsinə malik olmayıb. İlk dəfə şəffaf şəkildə işçi kastinqlərinin təşkil olunması, perispektivli gənclərin üzə çıxarılması yönündə işlərimiz qürür vericidir. Yarandığımız gündən deyirik ki, biz tək idman kanalı deyil, sağlam həyata önəm verən kanalıq. Bizim sosial lahiyələrimiz diqqət mərkəzində olub. Bizdən gözləntilər həmişə böyük olub. Bacardığımız qədər bu etimadı doğrultmağa çalışırıq. Bu il bizim üçün çox önəmli oldu. Ünvanımız dəyişdi. BOS-dan çıxmışıq, yeni ofisimizdəyik. Həmkarlarımızı, federasiyaları gəlib ofisimizlə tanış olmağa dəvət edirik. Kənardan işlər fərqli görünür. Biz isə bir çox manelərə baxmayaraq çalışırıq ki, yayımladığımız məhsul yüksək səviyyəli olsun. Sizin saytınıza təşəkkür edirəm kanalın yaranma günündə biz diqqət ayırdı. "CBC sport"un yaranmasının ilk saniyəsində iştirak etmiş şəxs kimi kanalımızda indi və keçmişdə çalışmış isanları təbrik edirəm".