Idman.biz
Şotlandiyanın "Seltik" futbol klubu rəsmi saytında Vilfrid Nensinin baş məşqçi vəzifəsindən getdiyini elan edib.
İdman.Biz xəbər verir ki, Vilfrid Nensi 4 dekabr 2025-ci ildən "Seltik"də çalışırdı.
"Seltik" Futbol Klubu baş məşqçi Vilfrid Nensinin müqaviləsinə dərhal xitam verilməsi qərarını elan edir. Klub Vilfridin səylərinə görə təşəkkür edir və ona və ailəsinə gələcəkdə uğurlar arzulayır.
Vilfridin köməkçiləri Kvame Ampadu, Jül Qeqen və Maksim Şalyer də klubdan gedir və biz onlara ən yaxşı arzularımızı çatdırırıq.
Klub həmçinin Pol Tisdeylın Futbol Əməliyyatları Rəhbəri vəzifəsindən istefa verdiyini təsdiqləyir. Bu işə verdiyi töhfəyə görə Poldan təşəkkür edirik.
Əlavə məlumat ən qısa zamanda azarkeşlərə təqdim olunacaq", - deyə "Seltik"in açıqlamasında bildirilir.
Nensinin rəhbərliyi altında səkkiz matçda komanda altı məğlubiyyətə uğrayıb. "Seltik" hazırda Şotlandiya Premyer Liqasının turnir cədvəlində ikinci yeri tutur.
