Idman.biz
"Qarabağ"ın son dəqiqə qolları "Şelburn"un Çempionlar Liqası ümidlərini puç etdi".
İdman.biz xəbər verir ki, İrlandiyanın "Irishmirror" nəşri dünən "Qarabağ"la "Şelburn" komandalarının oyunu barədə yazını belə başlıqla təqdim edib.
"Şelburn" aciz qaldı – "Qarabağ" Çempionlar Liqasının ikinci təsnifat mərhələsində səviyyə fərqini nümayiş etdirdi". Bu da "Irishexaminer"in manşetidir.
RTE də Azərbaycan çempionunun ünvanına iltifat etməkdən çəkinməyib: "Qarabağ" "Tolka" stadionunda "Şelburn"u amansızcasına cəzalandıraraq ustalığını göstərdi".
"Irishtimes" isə öz komandalarını cəsur adlandırıb: "Cəsur "Şelburn" "Qarabağ"ın son dəqiqə hücumları qarşısında tab gətirə bilmədi".
Qeyd edək ki, "Qarabağ" UEFA Çempionlar Liqası 2-ci təsnifat mərhələsinin ilk oyunu çərçivəsində İrlandiyada yerli "Şelburn"a 3:0 hesabı ilə qalib gəlib.
İdman.biz
