Sport24.az
"Liverpul"un misirli hücumçusu Məhəmməd Salah klubla yeni müqavilə imzalamasından danışıb. Sport24.az xəbər verir ki, 32 yaşlı forvard klubla kuboklar qazanacağına inandığını deyib:
"İnanmasaydım, müqavilə imzalamazdım. İnanıram ki, "Liverpul" kuboklar qazana bilər. Azarkeşlərin dəstəyi ilə biz bir çox titullar əldə edə bilərik. Mövsüm başlamazdan əvvəl İngiltərə çempionu olmaq istədiyimi demişdim. Düzünü desəm, bu arzum getdikcə güclənir".
Xatırladaq ki, Salah "mersisaydlılar"a 2017-ci ilin yayında qoşulub. O, "Liverpul"un heyətində İngiltərə Premyer Liqasını, bütün ölkə kuboklarını, Çempionlar Liqasını və Klublararası Dünya Çempionatını qazanıb. Tərəflər bu gün 2027-ci ilin yayınadək müqavilə imzalayıblar.
