Sport24.az
"Əfsuslar olsun, hər iki oyunda məğlub olduq. Millidə yeni adlar, gənclər var idi". Bu sözləri Sport24.az saytına açıqlamasında "Turan Tovuz"un kapitanı Şəhriyar Əliyev deyib.
Təcrübəli futbolçu yığmamızın Belarusa qarşı məğlub olduğu oyunu şərh edib:
"Bəzən düşünürük ki, yoldaşlıq oyununda nəticənin önəmi yoxdur. Amma qələbələr növbəti oyunlara yaxşı hazırlaşmağa, düşərgədəki ab-havaya təsir edir. Belarusla oyunda baş məşqçi heyətdə rotasiya etmişdi. Rəqib bizdən çox üstün deyildi. Şanslarımız oldu. Lakin gənclərin həyacanlı olduğu hiss olunurdu. Çalışıb, qarşıdakı oyunlara yaxşı hazırlaşmaq, qələbələr qazanmaq lazımdır".
Qeyd edək ki, milli komandamız ötən gün Belarusa 0:2 hesabı ilə məğlub olub.
