Sport24.az
"Qarabağ"a qarşı oyun çətin olacağını bilirdik. Fasilədən sonra ilk ev oyununda məğlub olmuşduq. İstəyirdik bu oyunda qələbə qazanıb azarkeşlərimizi sevindirək". Bu sözləri Sport24.az-a açıqlamasında "Turan Tovuz"un kapitanı Şəhriyar Əliyev deyib.
Əliyev "Qarabağ"la qarşılaşmadan xalla ayrılacaqlarını inanıb meydana çıxdıqlarını bildirib:
"İnam olmasa, nəticə olmaz. Komanda olaraq, əmin idik ki, uduzmayacayıq".
Təcrübəli müdafiəçi növbəti turdakı rəqibləri "Səbail" ilə oyun barədə də danışıb:
"Səbail" ardıcıl iki oyundu ki, qələbə qazanır. Rəqibimiz autsayderlər arasında olmağına baxmayaraq, mövsümün ikinci yaeısına inmalı başlayıb. Oyunun əhəmiyyətini başa düşürük. Bizi ağır matç gözləyir".
Qeyd edək ki, Premuer Liqanın XXI turu çərçivəsində baş tutacaq "Turan Tovuz" - "Səbail" matçı fevralın 1-də baş tutacaq. Qarşılaşmanın start fiti saat 16:00-da səslənəcək.
