Sport24.az
"Oyuna çox inamlı başladıq. Bunun nəticəsi olaraq hesabda iki top fərqi ilə önə keçdik. Sonradan oyunun gedişati bərabərləşdi. İkinci hissədə hesabda 2:0 öndə olduğumuza görə, daha cox müdafiədən oyunu qurmağa başladıq". Bu sözləri Sport24.az-a açıqlanmasında "Şəfa"nın baş məşqçisi Elgiz Kərəmli deyib.
Gənc mütəxəssis komandasının Birinci Liqanın 15-ci turunda "Mingəçevir"lə qarşılaşdıqları oyunu şərh edib:
"Öndə təzyiq edən zaman rəqib uzun ötürmələrə üstünlük verirdi. Yenə hakim səhvi xal itirməyimizə səbəb oldu. Artıq ardıcıl üçüncü oyundur ki, hakim səhvlərinə gorə xallar itiririk. Onlardan xahiş edirəm bundan sonra diqqətli olsunlar. Bizim məqsədimiz liderliyimizi qorumaqdır. Artıq 15 turdur ki, birinci pillədəyik. Lakin qarşıda hələ çox oyunlar var. Novbəti turlarda turnir cədvəlində bizə yaxın rəqiblər bir-biri ilə qarşılaçacaqlar. Növbəti matçlarda qələbə qazanaraq, yenidən xal fərqini artıracağımıza çalışacayıq".
Qeyd edək ki, "Şəfa" "Mingəçevir" matçı 2:2 hesabı ilə başa çatıb.
