Sport24.az
"Növbəti mövsümün hazırlığına iyulun 21-dən başlamaq istəyirik. Stadion tapmaqda çətinlik çəkirik. Ola bilər ki, plan dəyişər. 21-də yox, bir həftə sonra, 28-də başlayaq". Bu sözləri Sport24.az-a açıqlamasında "Şəfa"nın baş məşqçisi Elgiz Kərimli deyib.
Gənc mütəxəssis yeni mövsümdə çempionluq uğrunda mübarizə aparacaqlarını vurğulayıb:
"Transfer işlərini yekunlaşdırmışıq. Lakin çempionat başlayana kimi istədiyimiz oyunçu olarsa, heyətə cəlb edə bilərik. Növbəti mövsüm komanda çempionluq uğrunda mübarizə aparacaq. Klubun strategiyası belədir ki, heyətə legioner futbolçu cəlb etmirik. Çətin olacağını bilirik, amma klub olaraq yerli futbolçulara güvənmək istəyirik".
Qeyd edək ki, son mövsümün yekunlarına görə, II Liqada 2-ci yeri tutan paytaxt klubu 2025/26 "futbol ili"ndə I Liqada mübarizə aparacaq.
